Регистрација на домен престанува ако:
- регистрантот поднесе Барање за бришење на домен,
- регистрантот не ја продолжи регистрацијата на името на доменот по истекот на периодот од член 18,
- со правосилна судска одлука од надлежен суд е утврдено бришење на регистрирано име на домен,
- во случај кога МАРнет во согласност со овој Правилник недвосмислено утврди дека податоците за регистрираното име на домен се неточни или нецелосни.
МАРнет може да ја прекине регистрацијата на името на доменот во случај кога регистрантот го изгубил статусот на правен субјект (правното својство) и доколку во рокот одреден од МАРнет, не пократок од 15 (петнаесет) дена, не достави доказ за правно наследство. Максималниот рок на МАРнет за спроведување на овие активности е согласно Законот за општа управна постапка.
Во случај кога регистрацијата на доменот престанала врз основа на одредбите од овој член, Регистрантот односно овластениот Регистратор нема право на целосен ниту делумен надомест на трошоците за регистрација или продолжување на важноста на регистрираното име на домен.
ВАЖНО:
- Доколку доменот не биде обновен до датумот на регистрација, влегува во заштитен период од 120 дена и во тој период не може да се прави промена на податоците на доменот
- Ако доменот не се обнови во првите 60 дена од заштитениот период, доменот се брише од .mk зоната, но не може да се регистрира од страна на друг регистрант
- По истекот на вторите 60 дена од заштитениот период (или вкупно 120 дена) доменот се брише и може да се регистрира од страна на друг регистрант
Избриши домен